لاہور کے علاقے والٹن میں ناکام عاشق نے انکار پر خاتون کو آگ لگا دی، آگ لگا کر بھاگنے لگا تو خاتون نے دبوچ لیا جس سے دونوں جھلس گئے۔ نجی ٹی وی کے مطابق پولیس کے تفتیشی افسر کا کہنا ہے کہ ملزم پہلے بھی دو شادیاں کرچکا، پہلی دونوں بیویاں ناراض ہوکر میکے چلی گئیں ۔
دونوں بیویوں کے ناراضی اور چھوڑ کر چلے جانے کے بعد پڑوسی خاتون سے دوستی کرلی۔پڑوسی خاتون تین بچوں کی ماں ہے، ملزم نے خاتون سے مطالبہ کیا کہ اپنے شوہر سے طلاق لے کر شادی کرے، جس پر خاتون نے انکار کردیا۔ خاتون کے انکار پر ملزم طیش میں آگیا اور خاتون کو آگ لگا دی ۔ پولیس کے مطابق ملزم کی شناخت خالد اور خاتون کی شناخت ثنا کے نام سے ہوئی ہے، پولیس نے ملزم اور خاتون دونوں کو طبی امداد کیلئے جناح ہسپتال منتقل کردیا ہے
