لاہور کے علاقے اچھرہ میں ایک ٹیوشن سینٹر کے واش روم سے 10 سالہ بچی کی لاش برآمد ہوئی ہے، جسے مبینہ طور پر قتل کہا جارہا ہے۔ میڈیا کے مطابق پولیس حکام کا کہنا ہے کہ ٹیوشن سنٹر کے واش روم جاں بحق بچی کے گلے پر نشانات موجود ہیں۔
پولیس نے واقعے سے متعلق قانونی کارروائی اور تفتیش شروع کردی ہے۔بچی کی گردن پر نشانات پائے گئے، پولیس نے زیادتی کا شبہ ظاہر کرتے ہوئے مالک مکان سمیت متعدد افراد کو حراست میں لے لیا اور مقدمہ بھی درج کرلیا گیا۔
واقعے کی اطلاع ملنے پر ایس پی ماڈل ٹاؤن اسد علی نفری کے ہمراہ جائے وقوعہ پر پہنچ گئے، اے ایس پی پی گلبرگ نے ایس پی کو حقائق سے آگاہ کیا۔ ایس پی ماڈل ٹاؤن کے مطابق 10 سالہ نعیمہ گھر سے ٹیوشن سینٹر گئی تھی، بچی کی لاش کو پوسٹ مارٹم کیلئے مردہ خانے منتقل کر دیا گیا ہے۔
