نواب شاہ (رپورٹ: نفیس آرائیں)
ضلع شہید بینظیر آباد میں زمین کے تنازع پر یونیورسٹی کے دو طلبہ کے دوہرے قتل کے مقدمے میں اہم پیش رفت سامنے آئی ہے۔ ایس ایس پی شہید بینظیر آباد سمیر نور چنہ کی خصوصی ہدایات پر پولیس نے کارروائی کرتے ہوئے واردات میں ملوث چار مرکزی ملزمان کو 72 گھنٹوں کے اندر گرفتار کر لیا۔پولیس کے مطابق ڈی ایس پی کی سربراہی میں تشکیل دی گئی خصوصی ٹیم، جس میں ایس ایچ او تھانہ تعلقہ نواب شاہ اور آئی ٹی ٹیم شامل تھی، نے جدید ٹیکنالوجی اور روایتی تفتیشی ذرائع بروئے کار لاتے ہوئے ملزمان شاہنواز جمالی، خان بہادر جمالی، علی نواز جمالی اور شہباز جمالی کو گرفتار کیا۔ابتدائی تفتیش کے دوران ملزمان نے زمین کے تنازع پر دوہرے قتل کا اعتراف کر لیا ہے۔ پولیس نے ملزمان کے خلاف مقدمہ درج کرکے مزید تفتیش کا آغاز کر دیا ہے۔