سیالکوٹ غیر قانونی قربانی کے جانوروں کے سیل پوائنٹس کے خلاف بھرپور کارروائی

سیالکوٹ (سلیم احمد اعوان شیخو) ڈپٹی کمشنر صبا اصغر علی اور ایڈمنسٹریٹر میونسپل کارپوریشن سیالکوٹ نعیم بشیر کی خصوصی ہدایت پر اسسٹنٹ کمشنر رانا صفدر شبیر اور چیف آفیسر میونسپل کارپوریشن سیالکوٹ زبیر وٹو نے پیرا فورس اور ریگولیشن عملہ کے ہمراہ شہر کے مختلف علاقوں میں غیر قانونی قربانی کے جانوروں کے سیل پوائنٹس کے خلاف بھرپور کارروائی کی۔ کارروائی کے دوران متعدد غیر قانونی سیل پوائنٹس کو سربمہر کر دیا گیا جبکہ ایمن آباد روڈ اور حاجی پورہ روڈ کو جانوروں کی خریدوفروخت سے مکمل طور پر پاک کروا دیا گیا۔
انتظامیہ کے مطابق شہری حدود میں صرف دو منظور شدہ قربانی جانور سیل پوائنٹس اکبر آباد چوک اور گولو پھالہ میں قائم کیے گئے ہیں۔ ان مقامات کے علاوہ کسی بھی جگہ قربانی کے جانوروں کی خریدوفروخت غیر قانونی، غیر محفوظ اور ضلعی انتظامیہ کے احکامات کی خلاف ورزی تصور ہوگی۔