صفا بیگ سے پہلے اس ہندو لڑکی پر جان چھڑکتے تھے عرفان پٹھان، بھائی کیلئے پیار کی دی قربانی

سابق ہندوستانی آل راؤنڈر عرفان پٹھان نے ٹیم انڈیا کو کئی مقابلے جتوائے ہیں۔ اپنی مفید بلے بازی اور سوئنگ گیندبازی کی صلاحیت سے عرفان نے کئی ٹیموں کے چھکے چھڑا دیے۔ وہ پاکستان کے خلاف ٹیسٹ میچ کے پہلے ہی اوور میں ہیٹ ٹرک لینے والے گیندباز ہیں۔ انٹرنیشنل کرکٹ میں نام کمانے والے عرفان اپنی ذاتی زندگی کو لے کر بھی کم خبروں میں نہیں رہے۔ صفا بیگ سے شادی کرنے سے پہلے عرفان پٹھان کے ایک ہندو لڑکی کے ساتھ افیئر کے کافی چرچے رہے۔ بتایا جاتا ہے کہ بات شادی تک پہنچ چکی تھی، لیکن بڑے بھائی یوسف پٹھان کی وجہ سے عرفان نے 10 سال پرانا رشتہ توڑ دیا تھا۔ آئیے جانتے ہیں ان کی اس کہانی کے بارے میں…

بھائی کے لیے پیار کی قربانی

عرفان پٹھان اپنے بھائی یوسف پٹھان سے چھوٹے ہیں، لیکن انہوں نے اپنے بھائی کی خوشی کے لیے اپنی محبت کی قربانی دے دی تھی۔ عرفان کو ہندو لڑکی شیوانگی دیو سے محبت ہو گئی تھی، جو پیشے سے ایک چارٹرڈ اکاؤنٹنٹ تھیں۔ دونوں کی پہلی ملاقات 2003 میں ہندوستان کے آسٹریلیا دورے کے دوران ہوئی، جس کے بعد قربتیں بڑھنے لگیں۔ میڈیا رپورٹس کے مطابق یہ پہلی نظر کی محبت تھی۔ دونوں کا رشتہ اتنا مضبوط ہو گیا تھا کہ شیوانگی، عرفان کے ساتھ رہنے کے لیے ہندوستان آ گئی تھیں اور تقریباً تین سال تک وڈودرا میں رہیں۔