نوشہرہ(انورزیب خان سے)پوسٹ گریجویٹ کالج نوشہرہ کے گرد گھومتے ہراسانی کے الزامات اور گزشتہ تین ہفتوں سے جاری بے یقینی کی فضا میں بڑی پیش رفت،،رکن قومی اسمبلی سید شاہ احد علی شاہ نے شوبرا چوک میں ہونے والے حالیہ احتجاج اور ادارے کی ساکھ کو پہنچنے والے نقصان پر گہری تشویش کا اظہار کرتے ہوئے مظاہرین اور متاثرین کو واضح راستہ بتا دیا، متاثرہ طالبات کو براہ راست رابطے کی پیشکش،،ایم این اے شاہ احمد علی شاہ نے نوشہرہ کی ماں اور بہنوں کو یقین دلایا ہے کہ وہ انصاف کے حصول میں کسی سے نہ ڈریں، مجرموں کو عبرت کا نشان بنایا جائے گا،،یاد رہے کالج انتظامیہ ان الزامات کو یکسر مسترد کر رہی ہے، انتظامیہ کا کہنا ہے کہ کالج میں اینٹی ہراسمنٹ کمیٹی فعال ہے، لیکن اب تک کسی طالبہ یا والدین کی جانب سے کوئی باقاعدہ یا تحریری شکایت درج نہیں کرائی گئی،،خاموشی یا محض نعرے بازی اس مسئلے کا حل نہیں ہے، ایم این اے شاہ احد علی شاہ کی پیشکش کے بعد نوشہرہ کے عوام اب کسی زبانی بیان بازی کے بجائے ٹھوس حقائق کے منتظر ہیں،،گیند اب ان لوگوں کے کورٹ میں ہے جو ثبوتوں کا دعوی کر رہے تھے۔
