تہران: ایرانی میڈیا کے مطابق شمال مغربی ایران میں آرڈیننس کلیئرنس آپریشن کے دوران دھماکے میں ایران کے سپاہ پاسداران انقلاب اسلامی (IRGC) کے 14 کارکن اہلکار ہلاک اور 2 زخمی ہوگئے۔
سرکاری خبر رساں ایجنسی فارس نے اطلاع دی ہے کہ یہ واقعہ زنجان صوبے میں اس وقت پیش آیا جب خصوصی کلیئرنس مشن کے دوران اچانک ایک بم پھٹ گیا۔
یہ افراد ایک یونٹ کا حصہ تھے جسے علاقے میں بچ جانے والے بموں کو ہٹانے اور اسے ناکارہ بنانے کا کام سونپا گیا تھا، جس کے بارے میں مقامی حکام کا کہنا ہے کہ یہ شہریوں اور زرعی اراضی کے لیے مستقل سکیورٹی خطرہ ہے۔ فارس نیوز ایجنسی نے اطلاع دی ہے کہ اس علاقے میں تقریباً 1,200 ہیکٹر زرعی اراضی غیر پھٹنے والے بموں کی موجودگی کی وجہ سے خطرے میں ہے۔
ایران کے شہر زنجان میں دھماکا، پاسداران انقلاب کے 14 کارکن جاں بحق
