واشنگٹن: امریکی صدر ڈونلڈ ٹرمپ نے پیر کو اپنی قومی سلامتی کی ٹیم سے ملاقات کی اور آبنائے ہرمز کو کھولنے کی ایران کی نئی تجویز پر تبادلۂ خیال کیا۔ چبکہ ایک امریکی عہدیدار کا کہناہے کہ صدر ٹرمپ کو تجاویز پسند نہیں آئیں۔
وائٹ ہاؤس کی ترجمان کیرولین لیویٹ نے یہاں پریس کانفرنس میں کہا کہ ٹرمپ ایران کی حالیہ تجویز پر بات کر رہے ہیں لیکن وہ صدر یا ان کی سکیورٹی ٹیم کے ساتھ ملاقات کے نتائج پر بات نہیں کرنا چاہتے۔ لیویٹ نے وائٹ ہاؤس میں صحافیوں کو بتایا، "میں صرف اتنا کہوں گا کہ آج صبح ایک بات چیت ہوئی تھی جس کو میں مزید آگے نہیں بڑھانا چاہتا اور مجھے یقین ہے کہ آپ بہت جلد اس موضوع پر صدر سے براہ راست سنیں گے۔”
ایک امریکی عہدے دار نے پیر کو کہا کہ صدر ڈونلڈ ٹرمپ جنگ ختم کرنے سے متعلق ایرانی تجویز سے خوش نہیں کیونکہ اس میں جوہری پروگرام کا ذکر نہیں ہے۔
خبر رساں ادارے کے مطابق امریکی عہدے دار نے صدر ٹرمپ کا حوالہ دیتے ہوئے کہا ’انہیں یہ تجاویز پسند نہیں آئیں۔‘