اسلام آباد: آپریشن غضب للحق کے تحت ارندو، کرم سیکٹر میں افغان طالبان اور فتنہ الخوارج کے خلاف پاک فوج کی مؤثر جوابی کارروائیاں جاری ہیں۔
سیکیورٹی ذرائع کا کہنا ہے کہ پاک فوج نے بروقت کارروائی کرتے ہوئے ارندو، کرم سیکٹر میں دشمن کی اہم پوسٹوں اور مراکز کو تباہ کر دیا۔ ان مؤثر حملوں اور جوابی کارروائیوں کے نتیجے میں بزدل افغان طالبان اپنی پوسٹیں چھوڑ کر فرار ہو گئے۔
سیکیورٹی ذرائع کے مطابق پاک افواج افغان طالبان اور فتنہ الخوارج کے ٹھکانوں کو نشانہ بنا رہی ہیں اور کارروائیاں صرف فوجی تنصیبات تک محدود رکھی جا رہی ہیں۔