جیکب آباد: وزیراعظم شہباز شریف کی ہدایت پر سابق وزیراعلیٰ پنجاب حمزہ شہباز شریف مسلم لیگ (ن) کے ایک اعلیٰ سطح کے وفد کے ہمراہ جیکب آباد میں جکھرانی ہاؤس پہنچے۔ وزیراعظم نے اپنے صاحبزادے کو خصوصی طور پر پیپلز پارٹی کے رہنما اور رکنِ قومی اسمبلی میر اعجاز حسین جکھرانی کے جواں سال بیٹے کے انتقال پر تعزیت کے لیے بھیجا ہے۔
جیکب آباد پہنچنے والے اس وفد میں حمزہ شہباز شریف کے ہمراہ وفاقی وزرا اعظم نذیر تارڑ۔طارق فضل چوہدری اور کھیئل داس کوہستانی۔ کے علاوہ سید شاہ محمد، راجا انصاری اور خالد شیخ بھی شامل تھے۔
سابق وزیر اعلیٰ پنجاب حمزہ شہباز شریف ن لیگ کے وفد کے ہمراہ جیکب آباد جکھرانی ہاؤس پہنچ گئے
جیکب آباد: وفد میں حمزہ شہباز شریف،وفاقی وزیر اعظم نذیر تارڑ، طارق فضل چوہدری، کھیئل داس کوہستانی، سید شاہ محمد، راجا انصاری، خالد شیخ شامل
جیکب آباد: پاکستان مسلم لیگ ن کے وفد نے… pic.twitter.com/AwnI3J8u1O
— PTV News (@PTVNewsOfficial) May 2, 2026
پاکستان مسلم لیگ (ن) کے اس وفد نے پیپلز پارٹی کے ایم این اے میر اعجاز حسین جکھرانی سے ملاقات کی اور ان کے بیٹے زید حسین کے انتقال پر گہرے دکھ اور افسوس کا اظہار کیا۔ حمزہ شہباز نے وزیراعظم شہباز شریف کی جانب سے تعزیتی پیغام پہنچایا اور مرحوم کی مغفرت اور پسماندگان کے لیے صبرِ جمیل کی دعا کی۔
اس موقع پر وفد کے اراکین کا کہنا تھا کہ دکھ کی اس گھڑی میں پوری مسلم لیگ (ن) کی قیادت جکھرانی خاندان کے غم میں برابر کی شریک ہے۔