سابق آرمی چیف قمر جاوید باجوہ باتھ روم میں پھسلنے کے بعد ہسپتال منتقل

اسلام آباد:سابق سربراہ پاک فوج جنرل ریٹائرڈ قمر جاوید باجوہ وہ اپنے گھر میں اچانک گر کر شدید زخمی ہو گئے ہیں۔
نجی ٹی وی چینل کی رپورٹ کے مطابق اس حادثے کے نتیجے میں سابق آرمی چیف کے جسم کے مختلف حصوں پر چوٹیں آئی ہیں۔
جنرل (ر) قمر جاوید باجوہ اپنے گھر میں توازن برقرار نہ رکھ سکے اور گر پڑے۔ گرنے کی وجہ سے ان کے سر پر  چوٹ آئی ہے اور جسم کے دیگر حصے بھی متاثر ہوئے ہیں۔
ذرائع کے مطابق سابق آرمی چیف کل باتھ روم میں پھسل گئے اور انہیں فوری طور پر ملٹری ہسپتال راولپنڈی منتقل کیے گئے جہاں گھٹنے اور سر کی چوٹ (زیادہ شدید نہیں) کا معائنہ کیا گیا۔ فورا ان کے دونوں بیٹے بھی پاکستان پہنچ گئے اور اب وہ ہسپتال میں والد کے ساتھ ہیں۔ ڈاکٹرز کی ٹیم انکی دیکھ بھال کر رہی ہے۔ وہ مستحکم ہیں اور مزید مشورے تک ہسپتال میں رہیں گے، فیملی ممبر نے ان کی جلد صحت یابی کے لئے دعاؤں کی اپیل کی ہے۔