جنڈ: رپورٹ: ڈسٹرکٹ بیورو چیف محمد قاسم
جنڈ کے محلہ فاروقیہ کے رہائشی محمد زمان ولد بہرام خان نے سرکاری راستے پر ناجائز قبضے کے خلاف اعلیٰ حکام سے فوری نوٹس لینے کا پرزور مطالبہ کیا ہے۔متاثرہ شہری کا کہنا ہے کہ وہ اپنے حق کے حصول اور سرکاری راستہ واگزار کرانے کے لیے بارہا متعلقہ دفاتر کے چکر لگا چکے ہیں، لیکن تادم تحریر کوئی شنوائی نہیں ہوئی اور وہ انصاف کے لیے دربدر کی ٹھوکریں کھانے پر مجبور ہیں۔محمد زمان نے ضلعی انتظامیہ اور بالا حکام سے اپیل کی ہے کہ فوری طور پر اس معاملے کا نوٹس لیتے ہوئے سرکاری راستے کی قانونی حیثیت کی تصدیق کی جائے، اور اگر قبضہ ثابت ہو تو کسی بھی قسم کے امتیاز کے بغیر فوری قانونی کارروائی عمل میں لاتے ہوئے راستہ واگزار کروایا جائے۔