لاہور :(حافظ نعیم سے )وزیراعلی مریم نوازشریف کے حکم پر محکمہ تحفظ ماحولیات نے پنجاب میں کچرا ٹھکانے لگانے کا جدید منصوبہ لانچ کردیا۔۔پنجاب میں کچرا جمع کرنے کے لئے برنگدار کوڑے دان استعمال کرنے کا حکم، ’سمارٹ ویسٹ مینجمنٹ پراسیس ‘ پنجاب بھر کے سرکاری ونجی تعلیمی اداروں میں نافذ کرنے کی منظوری دے دی گئی۔
حکومت پنجاب کی طرف سے جاری کردہ حکم نامے میں کہا گیا ہے کہ سرکاری ونجی درس گاہوں میں پانچ رنگ کے کوڑے دان رکھے جائیں،الگ الگ رنگ کے کچرے کے ڈبوں میں الگ الگ قسم کا ک کوڑاکرکٹ جمع کیاجائے گا۔
نوٹیفیکیشن کے مطابقیلے رنگ کے ڈبوں میں کاغذ اور ردی جمع کی جائے گی،سبز رنگ کے ڈبوں میں بوتلیں، کانچ کے ٹکڑے، لیبارٹری میں استعمال ہونےو الا ضائع شدہ سامان ڈالا جائے گا۔سُرمئی (گرے) رنگ میں پھلوں کے چھلکے، ضائع شدہ کھانا، پتے اور گلی سڑی سبزیاں پھینکی جائیں گی۔لال رنگ کے کچرے کے ڈبے لوہے اور دیگر دھاتی کوڑے کے لئے استعمال ہوں گے۔نارنجی (اورنج) ڈبے پلاسٹک ویسٹ کے لئے استعمال کئے جائیں گے۔
ذرائع ک مطابق ان اشیاءکو دوبارہ استعمال کے قابل بنانے کے لئے استعمال کیاجائے گا۔سینئر وزیر موحولیات اینڈ کلائمٹ چینج مریم اورنگزیب منصوبے کی نگرانی کریں گی۔رانا سکندر وزیرِ تعلیم اور زیشان ملک وزیر لوکل گورنمنٹ کو ٹارگٹس سونپ دئیے گئے 30 ستمبر تک تمام سکولوں میں رنگوں والے کوڑے دان لگانے کی ڈیڈ لائن مقرر کردی گئی ہے۔
، ماحولیاتی تحفظ کے ادارے نے باضابطہ نوٹیفیکیشن جاری کردیا۔یکم اکتوبر سے معائینہ شروع ہوگا، رنگدار کوڑے دان نہ رکھنے پر جرمانے ہوں گے
ذرائع کا کہنا ہے کہاس جدید طریقے کا مقصد کچرے کی مقدار میں کمی لانا اور ماحول دوست رویوں کو فروغ دینا ہے۔پنجاب مینجمنٹ ہیلپ لائن (1139)پر تعلیمی ادارے کچرے کو اٹھانے کے لئے رابطہ بھی کرسکتے ہیں۔لوکل گورنمنٹ اینڈ کمیونٹی ڈویلپمنٹ ڈیپارٹمنٹ رنگدار کوڑے دانوں کے انتظام میں اپنا کردار ادا کرے گا
ماحولیات کے تحفظ کا ادارہ (ای پی اے) تعلیمی اداروں میں اس طریقہ کار کے نفاذ کو یقینی بنائے گا، ای پی اے ٹیم درس گاہوں کا معائینہ بھی کرے گی
معیار پر پورا اترنے اترنے والے تعلیمی اداروں کو ای پی اے کی جانب سے سرٹیفکیٹ جاری کیاجائے گا