لاہور :(خصوصی ر پورٹر)ملک بھر میں آٹے کی قیمت میں ایک بار پھر اضافہ دیکھنے میں آیا ہے جس کے بعد 20 کلو آٹے کے تھیلے کی اوسط قیمت 2500 روپے تک پہنچ گئی ہے۔
ادارہ شماریات کے مطابق سب سے زیادہ قیمت پشاور اور بنوں میں دیکھی گئی، جہاں 20 کلو آٹے کا تھیلا 2500 روپے میں فروخت ہو رہا ہے۔اسلام آباد میں آٹے کا تھیلا 2426 روپے 67 پیسے، راولپنڈی اور کراچی میں 2400 روپے، جبکہ حیدرآباد میں بھی یہی قیمت دیکھی گئی۔
اس کے علاوہ گوجرانوالہ اور سیالکوٹ میں 2267 روپے، لاہور میں 2230 روپے، فیصل آباد اور سرگودھا میں 2200 روپے، ملتان میں 2293 روپے 33 پیسے، اور بہاولپور میں 2333 روپے 33 پیسے میں فروخت ہو رہا ہے۔سکھر میں آٹے کا تھیلا 2240 روپے، لاڑکانہ میں 2300 روپے، خضدار میں 2200 روپے، اور کوئٹہ میں 2300 روپے میں دستیاب ہے۔
عوامی حلقوں نے آٹے کی بڑھتی ہوئی قیمتوں پر تشویش کا اظہار کرتے ہوئے مطالبہ کیا ہے کہ حکومت فوری طور پر قیمتوں کو کنٹرول کرنے کے لیے مؤثر اقدامات کرے.