نئی تاریخ رقم ۔۔ وزیراعلی پنجاب کا صوبہ بھر کے کمشنرز اور ڈپٹی کمشنرز سے بذریعہ ویڈیو لنک خطاب۔۔وزیراعلیٰ پنجاب مریم نوازشریف نے سیلاب کے دوران ہونے والے نقصانات کا تخمینہ لگانے کا حکم دے دیا۔
رپورٹ کے مطابق وزیراعلیٰ مریم نوازشریف نے ڈپٹی کمشنرزکو سیلاب زدہ علاقوں میں نقصانا ت کاسروے کرانے کاحکم دے دیا جبکہفلڈ ریلیف کیمپوں میں پینے کا صاف پانی فراہم کرنے اوراورہر ٹینٹ سٹی میں ”فیومیگیشن“مچھر مار اورجراثیم خشک سپرے کرنے کی ہدایت کی ہے۔
ایڈیشنل چیف سیکرٹری ساؤتھ کوجنوبی پنجاب کے سیلاب زدہ علاقوں کے متاثرین کیلئے بہترین انتظامات کرنے کی ہدایت کے ساتھ ساتھ ان سےریسکیو اورریلیف کی رپورٹ بھی طلب کرلی۔
وزیراعلی پنجاب مریم نواز شریف کا کہنا تھا کہ ریلیف کیمپ میں مقیم متاثرہ خاندانوں بالخصوص خواتین اوربچوں کوجوتے،کپڑے اورضروری اشیاء فراہم کرنے کئے جائیں انہوں نےکہاکہلوگ بے سروسامانی کی حالت میں گھروں سے نکلے ہیں،تنہاء نہیں چھوڑ سکتے۔پانی اترنے کے بعد بیماریاں پھیلنے کا اندیشہ ہے،اس چیلنج کیلئے پیشگی اقدامات کرنے ہوں گے۔سیلاب متاثرہ علاقوں میں کلینک آن ویل، فیلڈ ہسپتال کی تعداد کو بڑھانے اوردوردراز علاقوں تک رسائی یقینی بنانے کا حکم دیا ہے۔
انہوں نے سیلاب زدہ علاقوں میں وزٹ کیلئے گائنی،گیسٹرواورسکن سپیشلسٹ کی موبائل ٹیمیں تشکیل دینے کی ہدایت کی۔
وزیراعلیٰ مریم نوازشریف کا سیلاب زدہ علاقوں میں ڈیوٹی سرانجام دینے والے ڈاکٹر ز،پیرا میڈکل سٹاف اوردیگر عملے کیلئے خصوصی الاؤنس کا اعلان سیلاب متاثرین کو ان کی ضرورت اورسہولت کے مطابق رہنے کیلئے ٹینٹ اورجگہ فراہم کرنے کی ہدایت کی ہے۔
اسی طرح سیلاب زدہ علاقوں میں کسانوں کیلئے ایگری کلچر انٹرنز کی خدمات حاصل کرنے کا فیصلہ کیاگیا اور متاثرہ علاقوں میں مویشیوں کیلئے بھرپور چارے اورویکسی نیشن کی فراہمی کی ہدایت جاری کی گئی ہے۔وزیراعلیٰ مریم نوازشریف نے مویشیوں کو بیماریوں سے بچانے کیلئے ویکسی نیشن اوردیگر اقدامات بروئے کار لانے کی ہدایت کی ہے۔لائیوسٹاک انٹرنز کو مویشیوں کی دیکھ بھال کی ذمہ داری تفویض کرنے پر اتفاق کیا گیا۔
پانی کے انخلاء کے بعد بجلی،گیس اوردیگر کنکشن کی فوری بحالی کی ضرورت پر زوردیتے ہوئے وزیراعلی مریم نواز نے حکم دیا کہ ڈپٹی کمشنرز کو متاثرہ علاقوں میں بجلی،سوئی گیس کے کنکشن جلدبحال کرنے کیلئے رابطے کریں۔
سیلابی صورتحال کے پیش نظر ہر محکمے کو الرٹ رہنے کا حکم دیتے ہوئےوزیراعلیٰ مریم نوازشریف نے فلڈ ریلیف کیمپوں میں انتظامات میں مزیدبہتری لانے اور صفائی کے بہترین انتظامات کرنے کی ہدایت کی ہے۔
انہوں نےستھرا پنجاب کی ٹیمیں فلڈریلیف کیمپوں میں تعینات کرنے کا حکم دیتے ہوئے کیمپوں میں کوڑا دان اورڈسٹ بن وغیرہ نصب کرنے کی ہدایت کی۔
انہوں نے فلڈریلیف کیمپوں میں کوڑا کرکٹ ڈالنے کیلئے کورڈ کنٹرینر رکھنے کی ہدایت کی ہے جبکہ متعدی امرا ض سے بچاؤ کیلئے ناگزیر انتظامات یقینی بنانے کا حکم دیا ہے ،فلڈر یلیف کیمپوں میں مقیم افراد کو ملیریا وغیرہ سے بچانے کیلئے مچھر مار سپرے کرنے کی ہدایت کی گئی ہے۔
وزیراعلی پنجاب مریم نوازشریف کا کہنا تھا کہ فلڈریلیف کیمپوں میں مقیم افراد کو ضرورت کی ہر چیز میسر ہونے چاہیے۔فلڈ ریلیف کیمپوں میں مقیم افراد کی صحت پہلی ترجیح ہے۔فلڈ ریلیف کیمپوں کی صفائی اوردیگر امور پر خصوصی توجہ دی جائے۔