اسلام آباد :وفاقی دارالحکومت اسلام آباد اور راولپنڈی سمیت پشاور، ایبٹ آباد اور خیبرپختونخوا کے مختلف شہروں میں زلزلے کے جھٹکے محسوس کیے گئے ہیں۔
میڈیا رپورٹس کے مطابق زلزلے کے جھٹکے اسلام آباد، راولپنڈی، ایبٹ آباد، سوات، پشاور، چترال، چارسدہ، خان پور، ہری پور، بٹگرام اور دیگر شہروں میں بھی محسوس کیے گئے۔
زلزلہ پیما مرکز کے مطابق زلزلےکی شدت 5.2 ریکارڈ کی گئی جبکہ اس کا مرکز ہندوکش ریجن افغانستان میں 190 کلومیٹر زیر زمین تھا۔
زلزلے کے باعث کئی شہروں میں لوگ کلمہ طیبہ کا ورد کرتے ہوئے دفاتر اور گھروں سے باہر نکل آئے، فوری طور پر کسی جانی نقصان کی اطلاع موصول نہیں ہوئی۔