ملتان (رپورٹ: ملک جابر عباس):
ملتان میں وہاڑی چوک کے قریب واقع پلاسٹک کے سامان کے ایک گودام میں اچانک آگ بھڑک اٹھی، جس کے بعد ریسکیو ٹیمیں فوری طور پر جائے حادثہ پر پہنچ گئیں۔ترجمان ریسکیو ملتان کے مطابق گودام میں لگی آگ پر قابو پانے کے لیے فائر فائٹنگ آپریشن تیزی سے جاری ہے۔ آگ کی شدت کو مدنظر رکھتے ہوئے اسے بجھانے کے عمل میں 4 فائر وہیکلز حصہ لے رہی ہیں اور عملہ آگ کو مزید پھیلنے سے روکنے کے لیے سرگرم ہے۔ترجمان نے بتایا کہ تاحال آگ لگنے کی وجوہات معلوم نہیں ہو سکیں، تاہم کولنگ اور فائر فائٹنگ کا عمل مکمل ہونے کے بعد ہی اصل حقائق سامنے آ سکیں گے۔