سیالکوٹ (بیورو رپورٹ: سلیم احمد اعوان شیخو) سیالکوٹ کی پہلی نجی ائیر لائن ائیر سیال کے چیئرمین فضل جیلانی کی بھرپور کاوشوں سے ائیر سیال کو یورپ کے پانچ اہم ممالک اٹلی، فرانس، اسپین، جرمنی اور ڈنمارک کے لیے پروازیں آپریٹ کرنے کی باقاعدہ اجازت مل گئی ہے۔
ائیر سیال کو ان ممالک کے لیے پروازوں کی منظوری ملنا پاکستان کی ہوابازی کی صنعت اور بالخصوص سیالکوٹ کی کاروباری برادری کے لیے ایک اہم سنگِ میل قرار دیا جا رہا ہے۔ اس اقدام سے نہ صرف یورپ میں مقیم پاکستانیوں کو براہِ راست اور معیاری سفری سہولیات میسر آئیں گی بلکہ پاکستان اور یورپی منڈیوں کے درمیان تجارت و برآمدات کو بھی فروغ ملے گا۔

