مشہور بھارتی گلوکارہ سونا موہا پاترا نے بالی ووڈ سپر اسٹار سلمان خان کے آنے والے گانے پر کڑا طنز کرتے ہوئے سوشل میڈیا پر ایک نئی بحث چھڑ دی ہے۔
حالیہ دنوں میں فلم ’ماتروبھومی‘ (Matrubhoomi) کے گانے ’تیری سیکسی بیوٹی‘ (Teri Sexy Beauty) کے بول اور اس کا انداز سوشل میڈیا پر زیر بحث رہا ہے۔ سونا موہا پاترا نے اس گانے پر سخت ردعمل ظاہر کرتے ہوئے اس کے بولوں کو غیر معیاری قرار دیا ہے۔ گلوکارہ کا کہنا ہے کہ بالی ووڈ انڈسٹری میں خواتین کو پیش کرنے کے انداز اور گانوں کی شاعری کا معیار روز بروز گرتا جا رہا ہے، اور اس طرح کے الفاظ کا انتخاب انتہائی افسوسناک ہے۔
اس بیان کے سامنے آنے کے بعد سوشل میڈیا صارفین دو حصوں میں تقسیم ہو چکے ہیں۔ جہاں ایک طرف شائقین کی ایک بڑی تعداد سونا موہا پاترا کی صاف گوئی کی حمایت کر رہی ہے، وہیں دوسری طرف سلمان خان کے مداح ان کے دفاع میں سامنے آئے ہیں اور گلوکارہ کو کڑی تنقید کا نشانہ بنا رہے ہیں۔
واضح رہے کہ سونا موہا پاترا اس سے قبل بھی متعدد بار بالی ووڈ انڈسٹری کے نامور ستاروں اور ان کے کام پر کھل کر اپنی رائے کا اظہار کرتی رہی ہیں۔

