دیر بالا (بیورو چیف ریاض ابوالخیل)
دیر بالا کے علاقے گنوڑی میں نامعلوم وجوہات کی بنا پر لگنے والی آگ کے نتیجے میں زاہد اللہ اور خلیل اللہ پسران برادر جان کا چھ کمروں پر مشتمل مکان مکمل طور پر جل کر خاکستر ہو گیا۔تفصیلات کے مطابق آج 14 نومبر کو بوقت 2 بج کر 40 منٹ پر گاؤں گنوڑی میں مذکورہ خاندان کے گھر میں اچانک آگ بھڑک اٹھی، جس نے دیکھتے ہی دیکھتے پورے مکان کو اپنی لپیٹ میں لے لیا۔اطلاع ملتے ہی مقامی افراد نے اپنی مدد آپ کے تحت آگ بجھانے کی بھرپور کوشش کی، تاہم وہ آگ پر قابو پانے میں ناکام رہے، جس کے باعث مکان میں موجود تمام چھ کمرے اور گھریلو سامان جل کر راکھ ہو گیا۔آتشزدگی کے اس افسوسناک واقعے کے بعد متاثرہ خاندان شدید سردی میں کھلے آسمان تلے بے یار و مددگار رہ گیا ہے۔ متاثرین نے ضلعی انتظامیہ دیر بالا اور مخیر حضرات سے فوری مالی امداد اور تعاون کی اپیل کی ہے تاکہ اس مشکل گھڑی میں ان کی مدد کی جا سکے۔