سکھر ( رپورٹ/ عبد الرحمان راجپوت )
مسلسل لوڈشیڈنگ کے باوجود بجلی کے بھاری بل اور ڈٹیکشن کا سلسلہ جاری، نیو پنڈ بھوسہ لائن سکھر کے صارفین پریشان میٹر ریڈر زبیرشاہ، نیو پنڈ بھوسہ لائن،سکھر، ڈویژن روہڑی، سب ڈویژن اولڈ سکھر، فیڈر 038016 11 kv مراد شاہ کے صارفین کا اعلیٰ حکام سے نوٹس لینے کا مطالبہ میٹر ریڈر زبیرشاہ، نیو پنڈ بھوسہ لائن،سکھر ڈویژن روہڑی، سب ڈویژن اولڈ سکھر کے فیڈر نمبر 038016 11 kv مراد شاہ سے منسلک علاقوں کے بجلی صارفین نے مسلسل لوڈشیڈنگ، باقاعدگی سے بلوں کی ادائیگی کے باوجود مبینہ طور پر ڈٹیکشن بل عائد کیے جانے اور بجلی کے مسائل کے باعث شدید مشکلات کا اظہار کیا ہے۔ متاثرہ صارفین کا کہنا ہے کہ علاقے میں طویل اور مسلسل لوڈشیڈنگ کے باعث معمولاتِ زندگی بری طرح متاثر ہو رہے ہیں، جبکہ دوسری جانب صارفین بجلی کے بل باقاعدگی سے ادا کرنے کے باوجود مبینہ طور پر ڈٹیکشن اور اضافی واجبات کا سامنا کر رہے ہیں۔ صارفین کے مطابق بجلی کی فراہمی کے مسائل اپنی جگہ موجود ہیں، مگر بلوں میں اضافی رقوم اور ڈٹیکشن کے باعث غریب اور متوسط طبقہ مزید مالی دباؤ کا شکار ہو رہا ہے۔
صارفین کا کہنا ہے کہ بجلی کے میٹرز اور بلنگ کے حوالے سے شکایات کے ازالے کے بجائے انہیں مزید مشکلات کا سامنا کرنا پڑ رہا ہے۔ بعض صارفین کے مطابق انہیں مبینہ طور پر ماہانہ 1000 روپے دینے کا مطالبہ بھی کیا جاتا ہے، جس کے باعث علاقے کے مکینوں میں شدید تشویش اور بے چینی پائی جاتی ہے۔
شہریوں کا کہنا ہے کہ اگر بجلی کی فراہمی میں گھنٹوں لوڈشیڈنگ جاری رہے اور اس کے باوجود صارفین سے مکمل بل وصول کیے جائیں، جبکہ ساتھ ہی ڈٹیکشن اور دیگر اضافی چارجز بھی عائد ہوں، تو یہ صورتحال عام صارف کے لیے ناقابلِ برداشت بن جاتی ہے۔
متاثرہ صارفین نے سیپکو چیف، متعلقہ ایکسین، ایس ڈی او اور دیگر اعلیٰ حکام سے مطالبہ کیا ہے کہ فیڈر 038016 11 kv مراد شاہ کے علاقوں میں جاری لوڈشیڈنگ، ڈٹیکشن بلوں اور مبینہ طور پر ماہانہ 1000 روپے طلب کیے جانے کی شکایات کی غیرجانبدارانہ تحقیقات کرائی جائیں۔ صارفین کا کہنا ہے کہ اگر شکایات درست ثابت ہوں تو ذمہ دار عناصر کے خلاف محکمانہ کارروائی عمل میں لائی جائے اور شہریوں کو ریلیف فراہم کیا جائے۔
علاقہ مکینوں نے مطالبہ کیا ہے کہ بجلی کے میٹروں کی شفاف درست ریڈنگ،حقیقی استعمال کے مطابق بلنگ اور بلاجواز ڈٹیکشن کے خاتمے کو یقینی بنایا جائے تاکہ صارفین کو مسلسل مالی اور ذہنی اذیت سے نجات مل سکے۔
شہریوں نے اعلیٰ حکام سے اپیل کی ہے کہ اولڈ سکھر سب ڈویژن اور فیڈر 038016 11 kv مراد شاہ کے مسائل کا فوری نوٹس لے کر موقع پر انکوائری کرائی جائے اور بجلی صارفین کو درپیش شکایات کا مستقل بنیادوں پر ازالہ کیا جائے۔