لاہور:
پاکستان تحریک انصاف (پی ٹی آئی) کے بانی عمران خان کی بہنوں نورین نیازی اور عظمیٰ خان کو لاہور کی کوٹ لکھپت جیل سے رہا کر دیا گیا ہے۔ذرائع کے مطابق دونوں بہنیں 3 ایم پی او (مفادِ عامہ اور نقصِ امن کے قانون) کے تحت کوٹ لکھپت جیل میں نظر بند تھیں۔ جیل حکام کو رہائی کے احکامات موصول ہونے کے بعد یہ کارروائی عمل میں لائی گئی۔ذرائع کا کہنا ہے کہ نورین نیازی اور عظمیٰ خان کی رہائی کے عمل میں چیئرمین پی ٹی آئی بیرسٹر گوہر علی خان نے اہم کردار ادا کیا ہے۔ رہائی کے بعد دونوں خواتین کو نورین نیازی کی بیٹی ہاجرہ نیازی کے سپرد کر دیا گیا۔واضح رہے کہ عمران خان کی تیسری بہن علیمہ خان کے حوالے سے تاحال جیل حکام کو رہائی کے احکامات موصول نہیں ہوئے تھے، جس کے باعث وہ جیل میں ہی موجود ہیں۔