پسرور (محمد اشفاق):
پولیس نے جرائم پیشہ عناصر کے خلاف سخت کارروائیاں جاری رکھتے ہوئے تھانہ بڈیانہ کے علاقہ میں بڑی کامیابی حاصل کی ہے۔ پولیس نے ایک کارروائی کے دوران خطرناک "پیڈو گینگ” کے سرغنہ سمیت 3 ملزمان کو گرفتار کر کے لاکھوں روپے مالیت کا مسروقہ سامان برآمد کر لیا گرفتار ہونے والے ملزمان میں عدیل عرف پیڈو، شرافت علی اور محمد احمد شامل ہیں۔ ملزمان کے قبضے سے دو بھیڑوں سمیت کل 6 لاکھ 65 ہزار روپے مالیت کا مسروقہ مال برآمد کیا گیا ہے۔ برآمد شدہ سامان میں موبائل فونز، 2 موٹریں، 12 من گندم اور مختلف زرعی آلات شامل ہیں۔دورانِ تفتیش گرفتار ملزمان سے اہم انکشافات ہوئے ہیں اور پولیس نے ان کی نشاندہی پر چوری کی 3 مختلف وارداتوں کا سراغ بھی لگا لیا ہے۔