بھریا سٹی رپورٹ: مجاہد علی مغل،
بینظیر انکم سپورٹ پروگرام (BISP) کی جانب سے مستحق خواتین کو وظائف کی ادائیگی میں پیش آنے والی مشکلات، بے ضابطگیوں اور دیگر مسائل کے فوری ازالے کے لیے شکایات درج کروانے کا باضابطہ طریقہ کار جاری کر دیا گیا ہے۔ مستحق خواتین اپنی شکایات کے اندراج کے لیے اپنے قریبی بی آئی ایس پی تحصیل آفس سے رجوع کر سکتی ہیں۔درخواست گزار کو شکایت فارم پر اپنا نام، شناختی کارڈ نمبر، موبائل نمبر، رقم وصولی کی جگہ اور مسئلے کی مکمل تفصیلات درج کرنا ہوں گی، جس کے بعد فارم متعلقہ دفتر میں جمع کروا دیا جائے گا اگر کسی خاتون کو وظیفے کی ادائیگی یا کسی بھی معاملے میں شکایت ہو تو وہ بینظیر انکم سپورٹ پروگرام کی ہیلپ لائن 0800-26477 پر بھی رابطہ کر سکتی ہے۔حکام کی جانب سے واضح کیا گیا ہے کہ موصول ہونے والی تمام شکایات کی مکمل جانچ پڑتال کی جائے گی۔ شکایت درست ثابت ہونے کی صورت میں متعلقہ بینک یا عملے کے خلاف ضابطے کے مطابق سخت کارروائی عمل میں لائی جائے گی۔شکایت درج کروانے کے لیے تحصیل آفس تشریف لے جاتے وقت درج ذیل ہدایات کا خاص خیال رکھیں: اپنا اصل قومی شناختی کارڈ ہمراہ لے کر جائیں۔اپنا موبائل فون اور استعمال میں رہنے والا نمبر ساتھ رکھیں تاکہ کارروائی میں آسانی ہو سکے۔مزید معلومات کے لیے رابطہ کریں:ویب سائٹ:www.bisp.gov.pk ہیلپ لائن: 0800-26477