پسرور (محمد اشفاق – بے نقاب نیوز )
پسرور میں ٹریفک حادثات کا سلسلہ رک نہ سکا۔ تازہ ترین واقعے میں پسرور ڈسکہ روڈ پر موسی پور سٹاپ کے قریب ایک تیز رفتار ٹرک اور موٹر سائیکل کے درمیان شدید تصادم ہو گیا، جس کے نتیجے میں موٹر سائیکل پر سوار 2 افراد شدید زخمی ہو گئے۔
حادثے کی اطلاع ملتے ہی ریسکیو 1122 کی ٹیم فوری طور پر جائے وقوعہ پر پہنچ گئی۔ ریسکیو اہلکاروں نے موقع پر ہی زخمیوں کو ابتدائی طبی امداد فراہم کی اور بعد ازاں مزید علاج کے لیے سول ہسپتال پسرور منتقل کر دیا۔
ہسپتال ذرائع کے مطابق زخمی ہونے والوں کی شناخت 26 سالہ عمیر ولد ظہیر اور اس کی 24 سالہ بہن مریم دختر ظہیر سکنہ رامکے کے ناموں سے ہوئی ہے۔ واقعے کے بعد علاقے میں صدمے کی لہر دوڑ گئی ہے جبکہ پولیس نے معاملے کی مزید تفتیش شروع کر دی ہے۔