بلوچستان رحمت اللہ بلوچ بیوروچیف بے نقاب نیوز)
بلوچستان کے صوبائی وزیر سردار عبدالرحمٰن کھیتران نے کہا ہے کہ ان کے گھر میں کوئی غیر قانونی یا اضافی نقدی موجود نہیں ہے، جبکہ ڈیرہ بگٹی سے تعلق رکھنے والا ایک شخص مبینہ طور پر ان کے خلاف منظم سازش کے تحت چھاپے لگوانا چاہتا ہے۔انہوں نے اپنے ایک بیان میں اس بات پر شدید ردعمل کا اظہار کیا کہ ان کے خلاف بے بنیاد اور من گھڑت کارروائیوں کی منصوبہ بندی کی جا رہی ہے۔ سردار عبدالرحمٰن کھیتران کا کہنا تھا کہ ایسے عناصر سیاسی اور ذاتی مقاصد کے تحت انہیں نشانہ بنانے کی کوشش کر رہے ہیں، تاہم وہ اس طرح کے ہتھکنڈوں سے مرعوب نہیں ہوں گے۔