لاہور: وزیراعلیٰ پنجاب مریم نواز شریف نے اضلاع کے دوروں کے دوران عوام کو درپیش مشکلات اور بدنظمی کا سخت نوٹس لیتے ہوئے ڈپٹی کمشنر (ڈی سی) جہلم کو فوری طور پر ان کےعہدے سے ہٹا دیا ہے۔
سماجی رابطے کی سائٹ ‘ایکس’ (سابقہ ٹویٹر) پر اپنے ایک بیان میں وزیراعلیٰ پنجاب نے واضح کیا کہ ان کی جانب سے تمام انتظامی افسران کو سخت اور واضح ہدایت کی گئی تھی کہ دوروں کے دوران عام لوگوں کی آمدورفت یا روزمرہ سرگرمیوں میں کسی بھی قسم کی رکاوٹ اور تکلیف پیدا نہ ہو۔
Despite my explicit instructions that no inconvenience or disruption whatsoever should be caused to the public during my visits to the districts, such an incident has nevertheless occurred. This is a clear disregard for my directions. Accordingly, the Deputy Commissioner (DC) is hereby REMOVED FROM THE POST WITH IMMEDIATE EFFECT.
— Maryam Nawaz Sharif (@MaryamNSharif) November 8, 2026
انہوں نے مزید کہا کہ اس کے باوجود عوامی تکلیف کا واقعہ پیش آیا جو کہ حکومتی ہدایات کی صریحاً ورزی ہے۔ وزیراعلیٰ نے اپنے مؤقف کا اعادہ کرتے ہوئے کہا کہ عوامی سہولت اور حقوق پر کوئی سمجھوتہ نہیں کیا جائے گا۔ بورڈ کے پیپر کے ملتوی ہونے کے بارے میں انہوں نے اپنی دوسری ٹویٹ میں واضح کیا کہ ضلعی انتظامیہ کی جانب سے کسی بھی قسم کی حماقت یا بے جا ہوشیاری کے مظاہرے کے باوجود، امتحانات بالکل اپنےشیڈول کے مطابق، یعنی منگل 10 نومبر کو ہی منعقد ہوں گے۔
Notwithstanding any acts of foolishness or misplaced over-smartness on part of the district administration, the examinations shall be held strictly in accordance with the original schedule, i.e. Tuesday, 10th November.
— Maryam Nawaz Sharif (@MaryamNSharif) November 8, 2026
یادرہے ڈپٹی کمشنر جہلم نے وزیراعلیٰ مریم نواز شریف کے دورے اور استقبال کے پیش نظر بورڈ آف انٹر میڈیٹ اینڈ سیکنڈری ایجوکیشن کو کمپیوٹر سائنس کا پرچہ ملتوی کرنے کے بارے ہدایت جاری کی تھی
وزیر اعلی پنجاب کی واضح ہدایات کہ انکے وزٹ کے دوران کاروبار،سکول ،کالجز اور معمولات زندگی میں کوئی خلل نا آئے کے باوجود کچھ جگہوں پر خلاف ورزی کی گئی،بار بار ہدایات کے بعد آج ڈی سی صاحب کو ہٹا دیا گیا،ان غلط اقدامات کی وجہ سے خواہمخواہ وزیر اعلی پنجاب کو ٹارگٹ کیا جاتا ہے اور تنقید کی جاتی ہے جس کی وہ قطعا حق دار نہیں
— Azma Zahid Bokhari (@AzmaBokhariPMLN) November 8, 2026