بہترین کارکردگی اور خدمات کے اعتراف میں پولیس افسران کو تعریفی سرٹیفکیٹس اور نقد انعامات سے نوازا گیا

خوشاب(راجہ نورالہی عاطف سے)

ڈی پی او خوشاب کی جانب سے بہترین کارکردگی اور خدمات کے اعتراف میں پولیس افسران کو تعریفی سرٹیفکیٹس اور نقد انعامات سے نوازا گیا۔
ڈی پی او خوشاب ڈاکٹر عمارہ شیرازی نے ضلع خوشاب میں تعیناتی کے دوران پیشہ ورانہ مہارت، محنت، لگن اور فرض شناسی کے ساتھ نمایاں کارکردگی کا مظاہرہ کرنے پر ایس ایچ او خوشاب انسپکٹر اظہر اقبال اور ایس ایچ او قائدآباد انسپکٹر محمد اعجاز کو تعریفی سرٹیفکیٹس اور نقد انعامات سے نوازا۔
اس موقع پر ڈی پی او خوشاب نے دونوں افسران کی خوشاب پولیس کے لیے گراں قدر خدمات، پیشہ ورانہ صلاحیتوں اور محکمانہ کارکردگی کو سراہتے ہوئے ان کی خدمات کا اعتراف کیا اور نیک تمناؤں کا اظہار کیا۔
واضح رہے کہ دونوں افسران کا ضلع خوشاب سے ضلع سرگودھا تبادلہ ہو چکا ہے۔ ان کی خوشاب پولیس کے لیے خدمات اور نمایاں کارکردگی کو ہمیشہ قدر کی نگاہ سے دیکھا جائے گا۔