پاکستان نے روایتی حریفوں کو پیچھے چھوڑتے ہوئے ایک اور بڑا اعزاز اپنے نام کر لیا ہے۔ پاکستان ماسٹرز نے 2026ء آئی ایم سی اوور 40 کرکٹ ورلڈ کپ (IMC Over-40s World Cup) کے انتہائی سنسنی خیز اور تاریخی فائنل میں آسٹریلیا کو ایک وکٹ سے شکست دے کر عالمی ٹائٹل اپنے نام کر لیا۔
گیانا میں منعقدہ فائنل میچ میں آسٹریلیا کی ٹیم نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 281 رنز کا بڑا ہدف کھڑا کیا۔ پاکستان کی جانب سے شاندار بولنگ اور فیلڈنگ کا مظاہرہ کیا گیا، جس میں سید فرید الدین نے ایک بار پھر بیٹنگ اور بولنگ دونوں شعبوں میں بہترین آل راؤنڈ کارکردگی کا مظاہرہ کرتے ہوئے ٹیم کی جیت میں اہم کردار ادا کیا۔
ہدف کے تعاقب میں پاکستان ماسٹرز نے آخری لمحات کے اعصاب شکن مرحلے میں 44.5 اوورز میں 9 وکٹوں کے نقصان پر مطلوبہ ہدف پورا کر کے فتح کا پرچم لہرایا۔ آخری اوورز کے سنسنی خیز لمحات نے شائقینِ کرکٹ کی سانسیں روکے رکھیں، تاہم گرین شرٹس نے شاندار جرأت کا مظاہرہ کرتے ہوئے ورلڈ کپ ٹرافی اپنے نام کی۔
پاکستان کے اوور 40 اسکواڈ کی اس تاریخی فتح پر ملک بھر کے کرکٹ حلقوں اور شائقین میں خوشی کی لہر دوڑ گئی ہے اور کھلاڑیوں کو زبردست خراجِ تحسین پیش کیا جا رہا ہے۔