پی آئی اے روڈ :ساس اور سالے کو قتل کرنے کے بعد سسر کو مارنے کی منصوبہ بندی کرنیوالا مبینہ قاتل گرفتار

لاہور:ستوکتلہ پولیس نے دوہرے قتل میں ملوث مرکزی ملزم کو گرفتار کر لیا۔ ملزم نے 24 اکتوبر کو فائرنگ کر کے 2 افراد کو قتل اور 2 کو شدید زخمی کر دیا تھا۔
یہ بھی پڑھیں:
ستوکتلہ: ناراض داماد کی فائرنگ ، ساس اور سالے سمیت 2 افراد جاں بحق
سی سی ٹی وی فوٹیج اور لوکل انٹیلی جنس کی مدد سے ملزم کو نجی سوسائٹی کے قریب پارک سے گرفتار کیا گیا۔ ملزم گرفتاری سے بچنے کے لیے موبائل فون بند کیے ہوئے تھا، جبکہ اس کی استعمال شدہ گاڑی ہسپتال کی پارکنگ سے برآمد کر لی گئی۔
پولیس کے مطابق ملزم ایک اور شہری کو قتل کرنے کی منصوبہ بندی بھی کر رہا تھا۔ واقعے کی مزید تفتیش جاری ہے۔