نیتن یاہو فتح کے قریب، میری حمایت نے بھرپور مدد کی، صدر ڈونلڈ ٹرمپ

واشنگٹن ڈی سی :امریکی صدر ڈونلڈ ٹرمپ نے اسرائیلی عام انتخابات کے حوالے سے بیان دیتے ہوئے کہا ہے کہ انہوں نے سنا ہے کہ اسرائیلی وزیراعظم بینجمن نیتن یاہو فتح کے بہت قریب ہیں، جو کہ ایک انتہائی اچھی بات ہے۔

ٹرمپ کے مطابق ان کا پختہ خیال ہے کہ ان کی سیاسی اور سفارتی حمایت نے وزیراعظم نیتن یاہو کی انتخابی مہم میں بھرپور مدد کی ہے۔ امریکی صدر نے تبصرہ کرتے ہوئے کہا کہ نیتن یاہو اس انتخاب میں واضح جیت بھی حاصل کر سکتے ہیں یا پھر مقابلہ سخت ہونے کی وجہ سے برابر بھی رہ سکتا ہے۔ ڈونلڈ ٹرمپ نے مزید کہا کہ موجودہ کشیدہ حالات میں اگر مقابلہ برابر بھی رہتا ہے تو اسے بھی فتح ہی تصور کیا جائے گا، کیونکہ خطے کی موجودہ سیاست اور جنگی صورتحال شطرنج کے ایک بڑے اور پیچیدہ مقابلے کی مانند ہے۔