پشاور (ویب ڈیسک):
خیبرپختونخوا میں پاکستان تحریک انصاف (پی ٹی آئی) کے دورِ حکومت کے دوران معدنیات کے شعبے میں کروڑوں اور اربوں روپے کی مبینہ بے ضابطگیوں کا سنسنی خیز انکشاف ہوا ہے۔ ذرائع کے مطابق سرکاری آڈٹ رپورٹس میں اس امر کی نشاندہی کی گئی ہے کہ صوبے کے قیمتی قدرتی وسائل کو قواعد و ضوابط کی دھجیاں اڑاتے ہوئے دونوں ہاتھوں سے لوٹا گیا۔رپورٹ کے مطابق معدنیات کے شعبے میں رائلٹی کی مد میں واجب الادا اربوں روپے کی رقوم قومی خزانے میں جمع کروانے کے بجائے مبینہ طور پر خرد برد کی گئیں، جبکہ من پسند افراد اور کمپنیوں کو غیر قانونی طور پر ٹھیکے اور لیز الاٹ کیے گئے۔ محکمہ جاتی بے ضابطگیوں، اختیارات کے ناجائز استعمال اور کرپشن کے انکشافات نے سیاسی و انتظامی حلقوں میں ہلچل مچا دی ہے۔ماہرین کا کہنا ہے کہ صوبے کے غریب عوام کا حق مارنے والے اس مبینہ اسکینڈل کی شفاف تحقیقات ناگزیر ہو چکی ہیں تاکہ قومی خزانے کو نقصان پہنچانے والے ذمہ داران کو قانون کے کٹہرے میں لایا جا سکے۔