البانیہ آگ و خون کی لپیٹ میں! سپریم کورٹ کو آگ لگا دی گئی، تیرانا میں حالات مکمل بے قابو

تیرانا (ویب ڈیسک): البانیہ کا دارالحکومت تیرانا اس وقت سنگین ترین پرتشدد مظاہروں کی زد میں ہے، جہاں مظاہرین کی جانب سے سرکاری و نجی جائدادوں کو نذرِ آتش کرنے کا سلسلہ شدت اختیار کر گیا ہے۔ تازہ ترین اطلاعات کے مطابق پرتشدد مظاہرین نے دارالحکومت میں واقع سپریم کورٹ (ہائی کورٹ) کی عمارت میں قائم کاروباری مراکز کو آگ لگا دی ہے، جس کے بعد عمارت کا ایک بڑا حصہ شعلوں کی لپیٹ میں آ گیا۔
مظاہرین کا غصہ شدت اختیار کر چکا ہے اور شہر بھر میں گاڑیاں، کوڑے دان، کاروباری مراکزی اور بینکوں کو نذرِ آتش کیا جا رہا ہے۔ فائر فائٹرز کی ٹیمیں فوری طور پر موقع پر پہنچ کر آگ پر قابو پانے اور اسے پھیلنے سے روکنے کی کوششیں کر رہی ہیں، جبکہ پورے علاقے میں دھوئیں کے بادل چھائے ہوئے ہیں۔
سپریم کورٹ سے قبل مظاہرین نے وزارتِ تعلیم، وزارتِ انصاف اور بینک کی عمارتوں کو بھی نشانہ بنایا اور توڑ پھوڑ کے ساتھ آتش زنی کی۔ پ
اینٹی رائٹ پولیس (مظاہرہ مخالف پولیس) کی جانب سے مظاہرین کو منتشر کرنے کے لیے واٹر کینن اور آنسو گیس کا استعمال کیا جا رہا ہے، جبکہ مظاہرین کی جانب سے پتھراؤ اور پیٹرول بموں کا آزادانہ استعمال جاری ہے۔
بدعنوانی اور معاشی بحران کے خلاف شروع ہونے والا یہ احتجاج اب ملک گیر ہنگاموں میں تبدیل ہو چکا ہے اور دارالحکومت میں حالات مکمل طور پر بے قابو نظر آ رہے ہیں۔عالمی اداروں اور پولیس کی جانب سے امن و امان قائم کرنے اور فریقین سے تشدد کا راستہ چھوڑنے کی اپیلیں کی جا رہی ہیں، تاہم سڑکوں پر مظاہرین کا احتجاج روز بروز شدت اختیار کرتا جا رہا ہے۔