چنیوٹ (فرحان بلال سے)
جھنگ روڈ ماہ والا پمپ کے قریب تیز رفتار شاہزور ڈالہ اور رکشے کے درمیان آمنے سامنے کا خوفناک تصادم پیش آیا ہے، جس کے نتیجے میں رکشہ ڈرائیور سمیت 2 افراد موقع پر ہی جاں بحق جبکہ 6 افراد شدید زخمی ہو گئے۔ابتدائی اطلاعات کے مطابق شاہزور ڈالہ چنیوٹ سے بھوآنہ کی جانب جا رہا تھا جبکہ مخالف سمت سے آنے والا رکشہ بھوآنہ سے چنیوٹ آ رہا تھا کہ ماہ والا کے قریب دونوں میں شدید تصادم ہو گیا۔حادثے کی اطلاع ملتے ہی ریسکیو 1122 کی امدادی ٹیمیں فوری طور پر جائے حادثہ پر پہنچ گئیں۔ ریسکیو اہلکاروں نے 3 ایمبولینسوں اور 1 موٹر بائیک کے ذریعے امدادی کارروائیاں کرتے ہوئے تمام 6 زخمیوں کو ابتدائی طبی امداد فراہم کرنے کے بعد فوری طور پر ڈسٹرکٹ ہیڈ کوارٹر (ڈی ایچ کیو) ہسپتال منتقل کر دیا، جبکہ جاں بحق ہونے والے افراد کی لاشیں ورثاء کے حوالے کر دی گئیں۔جاں بحق افراد کی تفصیلات:احمد یار ولد سلیمان، عمر 45 سال، رہائشی جامعہ آباد، چنیوٹ۔محمد عارف ولد غلام محمد، عمر 65 سال، رہائشی جامعہ آباد، چنیوٹ (رکشہ ڈرائیور)۔زخمی افراد کی تفصیلات:حیدر علی ولد عظمت اللہ، عمر 18 سال، رہائشی حافظ آباد (مزدا ڈرائیور)قاسم علی ولد بشیر احمد، عمر 32 سال، رہائشی حافظ آبادکاظم علی ولد قاسم علی، عمر 12 سال، رہائشی حافظ آبادادریس ولد عظمت علی، عمر 30 سال، رہائشی فیصل آبادذاکر ولد احمد علی، عمر 40 سال، رہائشی جامعہ آبادثناء اللہ ولد نور محمد، عمر 28 سال، رہائشی جامعہ آباد
