سیالکوٹ: سلیم احمد اعوان شیخو
تھانہ حاجی پورہ کے علاقہ بجلی محلہ میں سابقہ رنجش اور مقدمہ بازی کی پاداش میں ہونے والے جھگڑے کے دوران فائرنگ سے ایک نوجوان زخمی ہو گیا، جس پر پولیس نے فوری کارروائی کرتے ہوئے دو ملزمان کو گرفتار کر لیا ہے۔تفصیلات کے مطابق، سیالکوٹ میں سلیم احمد اعوان شیخو سنوکر کلب میں دو فریقین کے درمیان پرانی رنجش پر تلخ کلامی کے بعد جھگڑا شروع ہو گیا، جو بڑھتے بڑھتے فائرنگ کے تبادلے تک پہنچ گیا۔ فائرنگ کے اس لرزہ خیز واقعے کے نتیجے میں معیز احمد نامی نوجوان شدید زخمی ہو گیا۔واقعے کی اطلاع ملتے ہی ڈسٹرکٹ پولیس آفیسر (DPO) سیالکوٹ کیپٹن (ر) دوست محمد نے فوری نوٹس لیتے ہوئے فائرنگ میں ملوث افراد کی فوری گرفتاری کا سخت حکم دیا۔حاجی پورہ پولیس نے بروقت کارروائی کرتے ہوئے فائرنگ کرنے والے دو مرکزی ملزمان، عبداللہ ولد ممتاز اور عبداللہ ولد اللہ رکھا کو گرفتار کر لیا ہے۔ پولیس کے مطابق دیگر مفرور ملزمان کی گرفتاری کے لیے چھاپے مارے جا رہے ہیں جبکہ مقدمہ درج کر کے مزید تفتیش کا آغاز کر دیا گیا ہے۔