خیبر پختونخوا کی سیاسی صورتحال اور حکومت کی ممکنہ بحالی

پشاور(انورزیب خان)

ذرائع کے مطابق صوبے میں سیاسی بے یقینی جلد ختم ہو جائے گی اور اسمبلی کے اندر انتخابی عمل کے ذریعے پی ٹی آئی کو واضح مینڈیٹ حاصل ہونے کی وجہ سے دوبارہ اسی جماعت کی حکومت قائم ہونے کی قوی امید ہے۔آئینی ماہرین کے مطابق گورنر راج کا نفاذ ابتدائی طور پر دو ماہ کے لیے ہوتا ہے اور اس میں دو مرتبہ توسیع کی جا سکتی ہے (یعنی مجموعی طور پر چھ ماہ تک)، جس کے بعد اسمبلی اور صوبائی حکومت خود بخود بحال ہو جاتی ہے۔بعض حلقوں کا کہنا ہے کہ اگر وفاقی حکومت دہشت گردی کو جواز بنا کر پورے صوبے میں ایمرجنسی نافذ رکھتی ہے، تو بظاہر حکومت بحال ہو سکتی ہے لیکن اصل اختیارات وفاق کے پاس ہی رہیں گے۔سوشل میڈیا پر یہ دعویٰ بھی کیا جا رہا ہے کہ اسمبلیاں بحال ہونے کے باوجود ایمرجنسی 2029 تک برقرار رہ سکتی ہے، تاہم اس بارے میں کوئی باضابطہ نوٹیفکیشن جاری نہیں ہوا۔ آئین کے تحت ایمرجنسی کو جاری رکھنے کے لیے ہر دو ماہ بعد پارلیمنٹ سے منظوری لینا لازمی ہے۔