کراچی: محکمہ انسدادِ دہشت گردی (سی ٹی ڈی) اور حساس اداروں نے کراچی میں انٹیلی جنس بیسڈ مشترکہ کارروائیاں کرتے ہوئے کالعدم تنظیموں سے تعلق رکھنے والے تین مبینہ دہشت گردوں کو گرفتار کر لیا ہے۔
ملزمان کے قبضے سے مہلک دھماکہ خیز مواد اور بم برآمد ہوئے ہیں۔سی ٹی ڈی ترجمان کے مطابق کراچی کے دو مختلف علاقوں لسبیلہ چوک بس اسٹاپ اور اولڈ سبزی منڈی کے قریب کارروائیاں عمل میں لائی گئیں۔ گرفتار کیے گئے تینوں ملزمان کا تعلق مبینہ طور پر کالعدم تنظیموں بلوچستان لبریشن آرمی (BLA) اور تحریک طالبان پاکستان (TTP) سے بتایا جاتا ہے۔
ترجمان سی ٹی ڈی نے انکشاف کیا ہے کہ گرفتار دہشت گرد شہر کے حساس مقامات اور قانون نافذ کرنے والے اداروں کے دفاتر یا اہلکاروں کو نشانہ بنانے کی خطرناک منصوبہ بندی کر رہے تھے۔ملزمان کی تلاشی کے دوران ان کے قبضے سے:دو دستی بم (Hand Grenades)ایک تیار شدہ دیسی ساختہ بم (IED) برآمد کیا گیا جسے بم ڈسپوزل اسکواڈ کی مدد سے ناکارہ بنایا گیا۔سی ٹی ڈی نے گرفتار ملزمان کے خلاف دہشت گردی اور دھماکہ خیز مواد ایکٹ کے تحت تین مقدمات درج کر کے تفتیش کا آغاز کر دیا ہے، جبکہ ان کے دیگر سہولت کاروں اور نیٹ ورک کا سراغ لگانے کے لیے چھاپے مارے جا رہے ہیں۔
کراچی: سی ٹی ڈی اور حساس اداروں کی بڑی کارروائی، کالعدم تنظیموں کے 3 مبینہ دہشت گرد گرفتار
