سکھر (رپورٹ: عبد الرحمان راجپوت)
سکھر میں زرعی افسران نے محکمے میں مبینہ غیر قانونی تقرریوں کے خلاف شدید احتجاج کرتے ہوئے دفاتر کی تالہ بندی اور سبسڈی پروگرام کے مکمل بائیکاٹ کا اعلان کر دیا ہے۔احتجاجی مظاہرے کی قیادت ایڈیشنل ڈائریکٹر سکھر احسان اللہ سمیر، ایڈیشنل ڈائریکٹر گھوٹکی آصف جاوید صدیقی، رب نواز ملانو اور اعجاز سمیر نے کی۔افسران نے حکومت سے درج ذیل مطالبات پیش کیے ڈاکٹر مظہر الدین کیریو کو دیا گیا ڈی جی زراعت توسیع (Agriculture Extension) کا اضافی چارج فوری واپس لیا جائے۔محکمے کے سینئر ترین افسر کو ڈی جی تعینات کیا جائے۔زیر التواء پروموشن کمیٹی (DPC) کے اجلاس فوری طلب کیے جائیں۔مظاہرین نے انتباہ جاری کیا کہ مطالبات تسلیم نہ ہونے کی صورت میں سندھ بھر میں زراعت توسیع کے تمام دفاتر بند کر دیے جائیں گے اور "سندھ ویٹ گروورز سپورٹ پروگرام 2026-27” کا مکمل بائیکاٹ کیا جائے گا۔