وہاڑی میں تھانہ ٹھینگی کی حدود میں انسانیت سوز واقعہ، مقامی قبرستان سے وفات شدگان میاں بیوی کی قبریں کھود کر انسانی اعضاء نکال لیے گئے۔
تفصیلات کے مطابق وہاڑی میں وفات شدگان میاں بیوی کی قبروں سے انسانی اعضا ءنکال لیے گئے جبکہ انسانی اعضاء نکالنے والے درندہ صفت انسان کو گرفتار کر لیا گیا ہے۔
رپورٹ کے مطابق ملزم کے قبضہ سے انسانی اعضا ءہڈیاں ،دانت اور سر کے بال برآمد ہوئے ہیں۔ملزم سے قبر کھودنے کے اوزارکے علاوہ چاقو چھریاں بھی برآمدہوئی ہیں۔ملزم مبینہ طور پر آئس نشہ کا عادی ہے پہلے بھی متعدد دفعہ قبروں کی بے حرمتی کرچکا ہے
اہل علاقہ نے پولیس تھانہ ٹھینگی سے شفاف تحقیقات کا مطالبہ کیا ہے۔(سورس 24نیوز)
