سیالکوٹ (سلیم احمد اعوان شیخو)
وزیراعلیٰ پنجاب مریم نواز شریف کے ویژن اور انسپکٹر جنرل آف پولیس پنجاب عبدالکریم راؤ کی ہدایات کے مطابق ضلع سیالکوٹ میں موبائل پولیس سٹیشن کا عملی آغاز کر دیا گیا ہے۔ اس اقدام سے بالخصوص دور دراز اور دیہی علاقوں کے شہری مقامی سطح پر پولیس اسٹیشن، خدمت مرکز اور ڈرائیونگ لائسنسنگ کی سہولیات سے مستفید ہو سکیں گے۔
موبائل پولیس سٹیشن میں درخواستوں کی وصولی، مقررہ طریقۂ کار کے مطابق ایف آئی آر کے اندراج اور ای ٹیگ کے اجراء کے ساتھ لرنر پرمٹ، لائسنس کی تجدید، ای سائن اور ڈرائیونگ روڈ ٹیسٹ کی سہولیات فراہم کی جائیں گی۔ خواتین اور بچوں کی شکایات پر ترجیحی توجہ دی جائے گی جبکہ متعلقہ پولیس آفیسران اور خواتین ملازمین بھی موجود ہوں گے۔
موبائل پولیس سٹیشن کا ہفتہ وار شیڈول، مقام اور گوگل میپ لوکیشن سیالکوٹ پولیس اور ٹریفک پولیس کے آفیشل پلیٹ فارمز پر جاری کئے جائیں گے۔ مقامی اعلانات اور سماجی تنظیموں کے تعاون سے بھی شہریوں کو پیشگی آگاہ کیا جائے گا۔ڈسٹرکٹ پولیس آفیسر سیالکوٹ کیپٹن (ر) دوست محمد کا کہنا ہے کہ حکومت پنجاب کے ویژن کے مطابق پبلک سروس ڈیلیوری کے نظام میں بہتری خدمات کے معیار، شفافیت اور شہریوں کی سہولت اور آسانی کیلیے تمام ضروری اقدامات عمل میں لائے جائیں گے ۔
