کچاکھوہ: نیشنل ہائی وے پر بس کی ٹکر سے نوجوان جاں بحق

تلمبہ/ کچاکھوہ (نمائندہ رانا فیصل)

نیشنل ہائی وے پر حیدر پیٹرولیم کے قریب روڈ کراس کرتے ہوئے تیز رفتار بس کی ٹکر سے 15 سالہ نوجوان جاں بحق ہو گیا۔

تفصیلات کے مطابق جاں بحق ہونے والے نوجوان کی شناخت معاویہ ولد عمر خطاب کھکھ کے نام سے ہوئی ہے، جو چک نمبر 25 دس آر (25/10R) کا رہائشی تھا۔

حادثے کی اطلاع ملتے ہی ریسکیو 1122 کی ٹیم نے فوری طور پر موقع پر پہنچ کر ضروری کارروائی عمل میں لائی اور میت کو سول ہسپتال منتقل کر دیا۔