لاہور:وزیر اطلاعات پنجاب عظمیٰ بخاری نے خیبرپختونخوا حکومت کے ترجمان کی جانب سے وزیراعلیٰ پنجاب مریم نواز کے خلاف استعمال کیے جانے والے ذومعنی الفاظ اور غیر اخلاقی بیان پر شدید غصے اور ناپسندیدگی کا اظہار کرتے ہوئے اسے سخت ترین الفاظ میں مسترد کر دیا ہے۔
یہ زبان اور حرکتیں جنگلیوں کی ہی ہوسکتی ہیں،پختون تو عورتوں کی عزت کرنے والے لوگ ہیں،یہ گھٹیا ذومعنی جملے اس موصوف کی تربیت دکھاتے ہیں،اسکی والدہ اور گھر کی باقی عورتوں کے لئے دلی ہمدردی ہے https://t.co/SfqQvvt1yX
— Azma Zahid Bokhari (@AzmaBokhariPMLN) September 22, 2026
ترجمان کے پی حکومت کے بیان پر شدید ردعمل ظاہر کرتے ہوئے عظمیٰ بخاری نے دوٹوک الفاظ میں کہا کہ "یہ زبان اور حرکتیں صرف جنگلیوں کی ہی ہو سکتی ہیں۔” انہوں نے پختون روایات کا حوالہ دیتے ہوئے کہا کہ پختون قوم تو ہمیشہ سے خواتین کا احترام کرنے اور ان کی عزت کرنے والی قوم جانی جاتی ہے، لیکن اس شخص کی طرف سے ادا کیے گئے گھٹیا اور ذومعنی جملے اس کی اپنی ذاتی اور خاندانی تربیت کا منہ بولتا ثبوت ہیں۔
عظمیٰ بخاری نے انتہائی سخت تنقید کرتے ہوئے مزید کہا کہ ایسی گھٹیا سوچ رکھنے والے عناصر کی وجہ سے انہیں اس شخص کی والدہ اور گھر کی دیگر خواتین کے لیے دلی ہمدردی ہے۔