پسرور (محمد اشفاق):
پسرور کے نواحی گاؤں قاضی پہاڑنگ، ڈھوڑا روڈ پر نامعلوم وجوہات کی بنا پر فائرنگ کا واقعہ پیش آیا ہے، جس کے نتیجے میں 55 سالہ شخص شدید زخمی ہو گیا۔
ریسکیو 1122 کی رپورٹ کے مطابق مخالف فریق کی جانب سے کی جانے والی فائرنگ کے نتیجے میں 55 سالہ محمد اعجاز ولد غلام حیدر کے دائیں کندھے اور بائیں ران پر گولیاں لگیں۔ ریسکیو ٹیم نے فوری طور پر موقع پر پہنچ کر زخمی کو ابتدائی طبی امداد فراہم کی اور بعد ازاں تشویشناک حالت میں تحصیل ہیڈکوارٹر (THQ) ہسپتال پسرور منتقل کر دیا، جہاں اس کا علاج جاری ہے۔