(عمرکوٹ)رپورٹ: بیوروچیف ڈاکٹر ایم لال واگھانی
سندھ پولیس فنانس ویلفیئر فنڈ کے تحت ضلع عمرکوٹ کے پولیس افسران، جوانوں اور ان کے اہل خانہ میں مالی معاونت کے چیکس تقسیم کرنے کی پروقار تقریب منعقد ہوئی۔
اس موقع پر ایس ایس پی عمرکوٹ سہائی عزیز تالپور (QPM, PSP) اور ڈی ایس پی محمد عدنان مہر نے مستحق پولیس اہلکاروں اور ان کے لواحقین میں ویلفیئر گرانٹس کے چیکس تقسیم کیے۔
تفصیلات و اعداد و شمار:
-
منظور شدہ کیسز: میرپورخاص رینج ویلفیئر کمیٹی کی جانب سے ضلع پولیس عمرکوٹ کے مجموعی طور پر 24 ویلفیئر کیسز منظور کیے گئے۔
-
مجموعی رقم: منظور شدہ کیسز کی کل مالیت 20 لاکھ 90 ہزار 421 روپے ہے۔
ایس ایس پی عمرکوٹ سہائی عزیز تالپور کا موقف: تقریب سے خطاب کرتے ہوئے ایس ایس پی سہائی عزیز تالپور نے کہا:
-
قیمتی اثاثہ: پولیس افسران و جوان محکمہ پولیس کا اصل اور قیمتی اثاثہ ہیں جو عوام کے جان و مال کی حفاظت کے لیے دن رات ڈیوٹی سرانجام دیتے ہیں۔
-
ترجیحات: پولیس اہلکاروں اور ان کے اہل خانہ کی فلاح و بہبود محکمے کی اولین ترجیحات میں شامل ہے۔
-
حوصلہ افزائی: مالی معاونت کا یہ سلسلہ نہ صرف فورس کے مالی مسائل حل کرتا ہے بلکہ ان کے مورال اور حوصلوں کو بھی بلند کرتا ہے۔