تحریر : راجہ نورالہی عاطف
جہاں لفظ بے نقاب ہوں۔۔۔ وہیں سے سچ کا آغاز ہوتاہے
معاشرے میں بعض شخصیات ایسی ہوتی ہیں جو اپنے کردار، اخلاق، خلوص اور خدمتِ خلق کے باعث لوگوں کے دلوں میں ایک منفرد مقام بنا لیتی ہیں۔ ان کی پہچان کسی عہدے یا منصب سے نہیں بلکہ ان کے حسنِ سلوک، ملنساری، محبت اور انسان دوستی سے ہوتی ہے۔ ملک محمد عرفان گہرائی لودھرا بھی ایسی ہی باوقار اور ہردلعزیز شخصیت ہیں، جن کا شمار آل پاکستان لودھراں برادری کے مرکزی رہنماؤں میں ہوتا ہے۔
ملک محمد عرفان گہرائی لودھرا کا تعلق ضلع خوشاب کے معروف گاؤں آدھی کوٹ سے ہے، جہاں وہ لودھراں برادری کے قابلِ فخر چشم و چراغ کی حیثیت رکھتے ہیں۔ انہوں نے اپنی خداداد صلاحیتوں، مثبت سوچ اور بہترین اخلاق کے ذریعے نہ صرف اپنے علاقے بلکہ ملک بھر میں ایک وسیع حلقۂ احباب قائم کیا ہے۔ ان کی شخصیت میں ملنساری، بردباری، وفاشعاری، خوش گفتاری اور محبت جیسے اوصاف نمایاں ہیں۔
آل پاکستان لودھراں برادری کو منظم اور متحد رکھنے کے لیے ملک محمد عرفان گہرائی لودھرا کی کاوشیں قابلِ تحسین ہیں۔ وہ برادری کے افراد کو ایک دوسرے کے قریب لانے، باہمی رابطوں کو مضبوط بنانے اور اتحاد و اتفاق کو فروغ دینے کے لیے خلوصِ نیت سے اپنا کردار ادا کر رہے ہیں۔ ان کا یہ جذبہ اس بات کا عکاس ہے کہ وہ برادری کو محض ایک رشتے کے طور پر نہیں بلکہ باہمی محبت، تعاون اور بھائی چارے کے مضبوط بندھن کے طور پر دیکھتے ہیں۔
ملک محمد عرفان گہرائی لودھرا کی شخصیت کا ایک نمایاں پہلو خدمتِ خلق بھی ہے۔ وہ طویل عرصے سے اپنے علاقے کے لوگوں کی بے لوث خدمت میں مصروف ہیں۔ ضرورت مندوں کی مدد، لوگوں کے مسائل کے حل کے لیے کوشش، خوشی اور غمی میں شریک ہونا اور ہر ممکن طور پر اپنے اردگرد کے لوگوں کے کام آنا ان کے مزاج کا حصہ ہے۔ یہی وجہ ہے کہ عوامی و سماجی حلقوں میں انہیں قدر و احترام کی نگاہ سے دیکھا جاتا ہے۔
ان کی دوست پروری اور لجپالی بھی اپنی مثال آپ ہے۔ وہ تعلقات کو نبھانے اور دوستوں کا ساتھ دینے میں معروف ہیں۔ ان کے حلقۂ احباب میں مختلف شعبہ ہائے زندگی سے تعلق رکھنے والے افراد شامل ہیں، جو ان کی شائستگی، خلوص اور خوش اخلاقی کے معترف ہیں۔ ان کی گفتگو میں شائستگی، رویے میں عاجزی اور تعلقات میں خلوص نظر آتا ہے۔
آج کے دور میں جب معاشرتی زندگی میں خود غرضی اور مفاد پرستی کے رجحانات بڑھ رہے ہیں، ایسے میں ملک محمد عرفان گہرائی لودھرا جیسی شخصیات امید کی کرن ہیں۔ ان کا طرزِ عمل اس بات کا پیغام دیتا ہے کہ انسان اگر خلوص کے ساتھ دوسروں کے کام آئے، اپنے تعلقات کو محبت سے نبھائے اور اجتماعی بھلائی کے لیے کردار ادا کرے تو وہ معاشرے میں ایک باوقار مقام حاصل کر سکتا ہے۔
بلاشبہ ملک محمد عرفان گہرائی لودھرا اپنی خوش اخلاقی، وسیع القلبی، سماجی خدمات اور برادری کے اتحاد کے لیے کی جانے والی کاوشوں کے باعث نہ صرف لودھراں برادری بلکہ ضلع خوشاب کی سماجی زندگی میں بھی ایک نمایاں مقام رکھتے ہیں۔ دعا ہے کہ اللہ تعالیٰ انہیں صحت، سلامتی، عزت اور مزید کامیابیوں سے نوازے اور انہیں اسی جذبۂ خدمت کے ساتھ دکھی انسانیت اور معاشرے کی بھلائی کے لیے اپنا کردار ادا کرنے کی توفیق عطا فرمائے۔ آمین۔