خوشاب (راجہ نورالہی عاطف سے)
سابق ایم پی اے بیرسٹر ملک معظم شیر کلو نے سابق چیئرمین میونسپل کمیٹی نورپور تھل راؤ محمد عالم کی رہائش گاہ پر جا کر ان کی عیادت کی اور خیریت دریافت کی۔ اس موقع پر انہوں نے راؤ محمد عالم کی جلد اور مکمل صحت یابی کے لیے خصوصی دعا بھی کی۔
ملاقات کے دوران علاقائی و سماجی امور سمیت باہمی دلچسپی کے مختلف معاملات پر بھی گفتگو ہوئی۔ بیرسٹر ملک معظم شیر کلو نے راؤ محمد عالم کے لیے نیک خواہشات کا اظہار کرتے ہوئے کہا کہ بیماری آزمائش کی ایک گھڑی ہے، دعا ہے کہ اللہ تعالیٰ انہیں جلد صحت کاملہ عطا فرمائے۔
اس موقع پر ہردلعزیز سماجی و تعلیمی شخصیت حاجی ملک اختر حسین کلو، معروف سماجی کارکن ملک اورنگزیب چھینہ اور سینئر مسلم لیگی رہنما راجہ محمد رضوان بھی موجود تھے۔ شرکاء نے بھی راؤ محمد عالم کی صحت و تندرستی کے لیے نیک تمناؤں کا اظہار کیا۔ واضح رہے کہ راؤ محمد عالم کا شمار ضلع خوشاب کی نامور سماجی اور سیاسی شخصیات میں ہوتا ہے ۔ موصوف نے بطور چیئرمین ایم سی عوامی سماجی فلاح و بہبود کے لیے گرا نقدر خدمات سر انجام دی ہیں جس کی وجہ سے وہ عوامی سماجی حلقوں میں بہت مقبول ہیں اور نہایت عزت و احترام کی نظر سے دیکھے جاتے ہیں ۔