سیالکوٹ۔سلیم احمد اعوان شیخو
دس روپے کے تنازع پر رکشہ ڈرائیور کو قتل کر دیا گیا۔بتایا گیا ہے کہ گوجرانولہ کے علاقہ تھانہ اروپ کے علاقہ پٹرول پمپ پر رکشہ کھڑا کرنے کے 10 روپے کے تنازعہ پر رکشہ ڈرائیور کو قتل کر دیا گیا۔ سیکورٹی گارڈ نے رکشہ پٹرول پمپ پر کھڑا کرنے کے عوض 50 روپے کی بجائے 60 روپے مانگے تو رکشہ ڈرائیور اور سیکورٹی گارڈ کے درمیان تلخ کلامی کے بعد جھگڑا ہو گیا۔جھگڑے کے دوران سیکورٹی گارڈ کی جانب سے مبینہ طور پر فائرنگ کی گئی جس کے نتیجہ میں رکشہ ڈرائیور محمد رمضان موت کی آغوش میں پہنچ گیا جبکہ سیکورٹی گارڈ فرار ہونے میں کامیاب ہو گیا اطلاع ملتے ہی پولیس موقع پر پہنچ گئی اور لاش کو تحویل میں لے کر قانونی کارروائی شروع کر دی۔
پولیس نے مقدمہ درج کر کے سیکورٹی کی گرفتاری کے لئے چھاپے مارنے شروع کر دئیے ہیں۔