جیکب آباد رپورٹ مجیب کھوسو
جیکب آباد میں اے ایس آئی کے گھر بڑی چوری، چور 28 لاکھ روپے نقدی اور 10 تولہ سونا لے اڑے۔ تفصیلات کے مطابق جیکب آباد کے ایئرپورٹ تھانے کی حدود گاؤں احمد میاں سومرو میں نامعلوم چور صحافی بابو جمیل احمد اوڈھو اور اے ایس آئی منیر احمد اوڈھو کے گھر کا صفایا کرگئے، نامعلوم چور گھر سے 28 لاکھ روپے نقدی،11 تولہ سونا اور دیگر قیمتی سامان چوری کرکے فرار ہوگئے، ذرائع کے مطابق نامعلوم ملزمان رات گئے گھر میں داخل ہوئے اور گھر میں موجود نقد رقم اور طلائی زیورات سمیت دیگر قیمتی سامان لے کر فرار ہوگئے، واردات کی اطلاع ملنے پر پولیس جائے وقوعہ پر پہنچ گئی اور گھر کا معائنہ کرکے شواہد اکٹھے کیے، دوسری جانب ایس ایس پی جیکب آباد کیپٹن (ر) فیضان علی نے پولیس افسران کے ہمراہ جائے وقوعہ کا دورہ کیا، پولیس کے مطابق ابتدائی اطلاعات میں گھر سے تقریباً 28 لاکھ روپے نقدی اور تقریباً 11 تولہ سونا و دیگر قیمتی سامان چوری ہونے کی بات سامنے آئی ہے، ایس ایس پی جیکب آباد نے متعلقہ افسران کو ہدایت کی کہ ملزمان کی گرفتاری کے لیے تمام دستیاب وسائل بروئے کار لائے جائیں، ایس ایس پی نے کہا کہ واردات میں ملوث ملزمان کو جلد گرفتار کرکے قانون کے کٹہرے میں لایا جائے گا۔