پاکستان کرکٹ ٹیم کے سابق کپتان مصباح الحق نے پاکستان کرکٹ بورڈ (پی سی بی) کی سلیکشن کمیٹی سے استعفا دے دیا ہے۔
ذرائع کے مطابق مصباح الحق نے اپنا استعفا ای میل کے ذریعے پی سی بی کو بھجوایا ہے۔
ذرائع کا کہنا ہے کہ ان کے استعفے کی بنیادی وجہ کھلاڑیوں کے انتخاب سے متعلق اختلاف ہے۔
ذرائع کے مطابق انگلینڈ بھیجے جانے والے ان کھلاڑیوں کے معاملے پر مصباح الحق سے مشاورت نہیں کی گئی جنہیں ڈراپ کیے گئے کھلاڑیوں کے متبادل کے طور پر بھیجا گیا۔
مصباح الحق کو مبینہ طور پر اس فیصلے میں شامل نہیں کیا گیا، جس کے بعد انہوں نے سلیکشن کمیٹی سے الگ ہونے کا فیصلہ کیا۔
ذرائع کے مطابق مصباح الحق نے اپنے تحفظات سے پی سی بی کو آگاہ کیا اور بعد ازاں استعفا ای میل کے ذریعے بھجوا دیا۔
تاہم پی سی بی کی جانب سے تاحال مصباح الحق کے استعفے یا اس کی وجوہات کے حوالے سے باضابطہ بیان سامنے نہیں آیا۔ یہ بھی واضح نہیں کہ پی سی بی سلیکشن کمیٹی کے آئندہ معاملات کس طریقے سے چلائے گا۔
مصباح الحق کے سلیکشن کمیٹی سے مستعفی ہونے کی خبر ایسے وقت میں سامنے آئی ہے جب پی سی بی قومی ٹیسٹ ٹیم کے سیٹ اپ میں تبدیلیوں اور تنظیم نو کے عمل سے گزر رہا ہے۔
قومی ٹیم اس وقت انگلینڈ کے خلاف سیریز کے آخری ٹیسٹ میچ کی تیاریوں میں مصروف ہے اور ایسے میں سلیکشن کمیٹی کے ایک اہم رکن کی علیحدگی پی سی بی کے لیے ایک اور اہم پیش رفت قرار دی جا رہی ہے۔
ذرائع کے مطابق مصباح الحق نے کھلاڑیوں کے انتخاب کے معاملے پر مشاورت نہ کیے جانے پر اپنے تحفظات کا اظہار کیا اور بعد ازاں استعفیٰ ای میل کے ذریعے بھجوا دیا۔
تاہم پی سی بی کی جانب سے تاحال مصباح الحق کے استعفے یا اس کی وجوہات کے بارے میں باضابطہ بیان سامنے نہیں آیا۔ یہ بھی واضح نہیں کہ ان کے استعفے کے بعد سلیکشن کمیٹی کی تشکیل اور قومی ٹیسٹ ٹیم کے انتخاب کے معاملات میں کیا تبدیلیاں کی جائیں گی۔
