ایران نے آبنائے ہرمز میں امریکی ’ایم کیو-9‘ ڈرون مار گرایا ، جارحیت پر خاموش نہیں رہیں گے،صدر مسعود پرشکیان

تہران:ایرانی میڈیا نے پاسدارانِ انقلاب کے حوالے سے دعویٰ کیا ہے کہ آبنائے ہرمز کے اوپر ایک امریکی ’ایم کیو-9‘ ڈرون مار گرایا گیا ہے۔ جبکہ ایرانی صدر نے کہا ہے کہ جنگ نہیں چاہتے مگر جارحیت پر خاموش نہیں رہیں گے
پاسدارانِ انقلاب کے شعبۂ تعلقاتِ عامہ نے مزید تفصیلات بتائے بغیر کہا ہے کہ ’ڈرون کو پاسدارانِ انقلاب کے جدید فضائی دفاعی نظام کے ذریعے نشانہ بنایا گیا۔‘فارس نیوز ایجنسی کے مطابق ڈرون خلیج فارس کے پانیوں میں گر کر تباہ ہوا ہے۔
تہران سے کرغزستان روانہ ہونے سے قبل ایرانی صدر مسعود پزشکیان نے کہا ہے کہ ’اسلامی جمہوریہ جنگ کا خواہاں نہیں، تاہم کسی بھی جارحیت کے مقابلے میں خاموش نہیں بیٹھے گا اور اس کا فیصلہ کن جواب دے گا۔‘
صدر پزشکیان نے کہا کہ ’ایران پہلے ہی دنیا کو یہ پیغام پہنچا چکا ہے۔‘ ان کا کہنا تھا کہ ’خطے میں عدم استحکام اور بدامنی کسی بھی ملک کے مفاد میں نہیں اور یہ سب کے لیے مشکلات پیدا کرے گی۔‘
ایرانی صدر کے یہ بیانات امریکی فورسز کی جانب سے لارک جزیرے پر حملے کے ایک دون بعد سامنے آئے ہیں۔ یاد رہے کہ ایان کی جانب سے امریکی حملوں کے جواب میں ایک کارروائی کے دوران اردن میں امریکی فوجی اہداف کو نشانہ بنانے کا دعویٰ کیا ہے۔
مسعود پزشکیان شنگھائی تعاون تنظیم کے سربراہی اجلاس میں شرکت کے لیے کرغزستان کے دارالحکومت بشکیک روانہ ہو گئے ہیں۔